
ಮರ್ಚೆಡ್ ಡೇಸ್.
ವಿಶೇಷ ಲೇಖನ.
“ಚೇ…”
ಕೇವಲ ಎರಡೇ ಅಕ್ಷರ. ಆದರೆ ಈ ಹೆಸರಿನ ಹಿಂದೆ ಧಗಧಗಿಸುವ ಒಂದು ಜ್ವಾಲೆಯಿದೆ, ಎಂದಿಗೂ ಆರದ ಕ್ರಾಂತಿಯ ಸ್ಪಾರ್ಕ್ ಇದೆ. ಜೂನ್ 14 ಬಂತೆಂದರೆ ಸಾಕು, ಜಗತ್ತಿನಾದ್ಯಂತ ಈ ಕ್ರಾಂತಿವೀರನ ಜನ್ಮದಿನದ ನೆನಪುಗಳು ಮತ್ತೆ ಮರುಕಳಿಸುತ್ತವೆ.
ನಾವು ಬದುಕುತ್ತಿರುವುದು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ , ಮೆಟಾವರ್ಸ್ ಮತ್ತು ಸೋಶಿಯಲ್ ಮೀಡಿಯಾಗಳ ಅತ್ಯಂತ ಮಾಡ್ರನ್ ಡಿಜಿಟಲ್ ಜಗತ್ತಿನಲ್ಲಿ. ಆದರೆ ಆಶ್ಚರ್ಯವೆಂದರೆ, ತಂತ್ರಜ್ಞಾನ ಎಷ್ಟೇ ಮುಂದುವರಿದರೂ ಇಂದಿನ ಯುವ ಪೀಳಿಗೆಯ ಎದೆಯೊಳಗಿನ ಬಂಡಾಯದ ಸಂಕೇತ ಮಾತ್ರ ಬದಲಾಗಿಲ್ಲ. ಇಂದಿಗೂ ನಗರದ ಹೈಫೈ ರಸ್ತೆಗಳಿಂದ ಹಿಡಿದು ಹಳ್ಳಿಯ ಗಲ್ಲಿ ಗಲ್ಲಿಗಳವರೆಗೆ ಯುವಕರು ಧರಿಸುವ ಟಿ-ಶರ್ಟ್ಗಳ ಮೇಲೆ, ಅವರ ಬೈಕ್ಗಳ ಮೇಲೆ, ಇನ್ಸ್ಟಾಗ್ರಾಮ್ ಪ್ರೊಫೈಲ್ಗಳಲ್ಲಿ ಅದೇ ಚೇ ಗೆವಾರಾನ ತೀಕ್ಷ್ಣ ಕಣ್ಣುಗಳ ಫೋಟೋ ರಾರಾಜಿಸುತ್ತಿರುತ್ತದೆ.
ಇದು ಕೇವಲ ಒಂದು ಪ್ರಿಂಟ್ ಅಲ್ಲ; ಇದೊಂದು ಜೀವಂತ ಸಿದ್ಧಾಂತ.
ಅರ್ಜೆಂಟೀನಾದಲ್ಲಿ ಹುಟ್ಟಿ, ವೈದ್ಯಕೀಯ ಶಿಕ್ಷಣ ಮುಗಿಸಿ, ಬಡತನ ಮತ್ತು ಶೋಷಣೆಯ ವಿರುದ್ಧ ಹೋರಾಡಲು ಇಡೀ ಲ್ಯಾಟಿನ್ ಅಮೆರಿಕಾವನ್ನು ಮೋಟಾರ್ ಸೈಕಲ್ ಮೇಲೆ ಸವರಿದ ಯುವಕನೇ ಈ ಎರ್ನೆಸ್ಟೋ ಚೇ ಗೆವಾರಾ. ಕ್ಯೂಬಾದ ಕ್ರಾಂತಿಯಲ್ಲಿ ಫಿಡೆಲ್ ಕ್ಯಾಸ್ಟ್ರೋ ಜೊತೆ ಹೆಗಲಿಗೆ ಹೆಗಲು ಕೊಟ್ಟು ಹೋರಾಡಿ ಗೆದ್ದ ಮೇಲೆಯೂ, ಅಧಿಕಾರದ ಕುರ್ಚಿಗೆ ಆಸೆ ಪಡದೇ ಮತ್ತೆ ಶೋಷಿತರ ಪರ ಹೋರಾಡಲು ಕಾಡಿಗೆ ಹೊರಟ ಅಪರೂಪದ ಹೋರಾಟಗಾರ.
“ನಿನ್ನ ಕಣ್ಣುಗಳು ಅನ್ಯಾಯವನ್ನು ಕಂಡು ಕ್ರೋಧದಿಂದ
ಕೆಂಪಾಗುವುದಾದರೆ, ನೀನು ನನ್ನ ಸಖ, ನನ್ನ ಒಡನಾಡಿ. ಇದು ಚೇ ನುಡಿದ ಅಮರ ವಾಕ್ಯ.
ಡಿಜಿಟಲ್ ಯುಗದಲ್ಲೂ ‘ಚೇ’ ಏಕ ಇಷ್ಟು ಫೇಮಸ್?
ಇಂದಿನ ಜೆನ್-ಝಿ (Gen-Z) ಮತ್ತು ಮಿಲೇನಿಯಲ್ಸ್ ತಲೆಮಾರಿಗೆ ಚೇ ಗೆವಾರಾ ಕೇವಲ ಇತಿಹಾಸದ ಪುಟಗಳ ನಾಯಕನಲ್ಲ.
ಬಂಡಾಯದ ಐಕಾನ್: ಇಂದಿನ ಕಾರ್ಪೊರೇಟ್ ಜಗತ್ತಿನ ಜಂಜಾಟ, ಸಾಮಾಜಿಕ ಅಸಮಾನತೆ ಮತ್ತು ವ್ಯವಸ್ಥೆಯ ವಿರುದ್ಧ ಯುವಮನಸ್ಸುಗಳು ಸಿಡಿದೇಳಲು ಬಯಸಿದಾಗ ಅವರಿಗೆ ನೆನಪಾಗುವುದೇ ಚೇ.
ಸ್ಟ್ರೀಟ್ ಫ್ಯಾಶನ್ ಮತ್ತು ಸಿದ್ಧಾಂತ: ಬೀದಿ ಗಲ್ಲಿಗಳಲ್ಲಿ ಚೇ ಫೋಟೋ ಇರುವ ಟಿ-ಶರ್ಟ್ ಧರಿಸಿ ಓಡಾಡುವ ಯುವಕನಿಗೆ ಕ್ಯೂಬಾದ ರಾಜಕೀಯ ಗೊತ್ತಿಲ್ಲದಿರಬಹುದು. ಆದರೆ, ಆ ಫೋಟೋ ಅವನಿಗೆ “ನಾನು ಯಾರಿಗೂ ಹೆದರಲ್ಲ, ನಾನು ಸ್ವತಂತ್ರ” ಎಂಬ ಧೈರ್ಯವನ್ನು ನೀಡುತ್ತದೆ.
ವೈರಲ್ ಕಲ್ಚರ್: ಆಲ್ಬರ್ಟೋ ಕೊರ್ಡಾ ಕ್ಲಿಕ್ಕಿಸಿದ ಚೇ ಗೆವಾರಾನ ಆ ಐತಿಹಾಸಿಕ ಫೋಟೋ ಇಂದಿಗೂ ಜಗತ್ತಿನ ಅತ್ಯಂತ ಹೆಚ್ಚು ಪ್ರಿಂಟ್ ಆದ, ರೀ-ಕಿಯೇಟ್ ಆದ ಚಿತ್ರವಾಗಿದೆ. ಡಿಜಿಟಲ್ ಗ್ರಾಫಿಕ್ಸ್ ಲೋಕದಲ್ಲೂ ಚೇ ಗಿಂತ ದೊಡ್ಡ ಸ್ಟೈಲ್ ಐಕಾನ್ ಮತ್ತೊಬ್ಬನಿಲ್ಲ.
ಚೇ ಗೆವಾರಾನನ್ನು ಭೌತಿಕವಾಗಿ ಕೊಂದ ಬುಲೆಟ್ಗಳಿಗೆ ಗೊತ್ತಿರಲಿಲ್ಲ, ಆತ ಸಾವಿನ ನಂತರ ಮತ್ತಷ್ಟು ಶಕ್ತಿಯಾಗಿ ಹುಟ್ಟಿಕೊಳ್ಳುತ್ತಾನೆ ಎಂದು. ಇಂದು ಜಗತ್ತು ಎಷ್ಟೇ ಡಿಜಿಟಲ್ ಆಗಲಿ, ಯುವ ಸಮೂಹ ಎಲ್ಲಿಯವರೆಗೆ ಅನ್ಯಾಯದ ವಿರುದ್ಧ ಧ್ವನಿ ಎತ್ತುತ್ತದೆಯೋ, ಅಲ್ಲಿಯವರೆಗೆ ಟಿ-ಶರ್ಟ್ಗಳ ಮೇಲೋ ಅಥವಾ ಯುವಕರ ಹೃದಯದ ಮೇಲೋ ‘ಚೇ’ ಎಂಬ ಕ್ರಾಂತಿಯ ಕಿಡಿ ಜೀವಂತವಾಗಿಯೇ ಇರುತ್ತದೆ.
ಕ್ರಾಂತಿಯ ಸ್ಪಾರ್ಕ್, ಸದಾ ಯುವಕರ ಸ್ಫೂರ್ತಿ ಚೇ… ಗೆವಾರಾಗೆ ಮರ್ಚೆಡ್ ಡೇಸ್ ದಿನಪತ್ರಿಕೆ ಇಂದ ಮತ್ತೊಮ್ಮೆ ವೀರ ಜನ್ಮದಿನದ ಶುಭಾಶಯಗಳು…. ಚೇ.
ತಾಯಪ್ಪ ಮರ್ಚೆಡ್.