Home ಸುದ್ದಿ ನಿವೃತ್ತಿಯ ಬಳಿಕವೂ ನಿಲ್ಲದ ದೇಶಪ್ರೇಮ: ರಾಯಚೂರು ಜಿಲ್ಲೆಯ ಮರ್ಚೆಡ್ ಗ್ರಾಮದಲ್ಲಿ ವಿನೂತನವಾಗಿ ನೆರವೇರಿದ 80ನೇ ಸ್ವಾತಂತ್ರ್ಯೋತ್ಸವ.
ಸುದ್ದಿ

ನಿವೃತ್ತಿಯ ಬಳಿಕವೂ ನಿಲ್ಲದ ದೇಶಪ್ರೇಮ: ರಾಯಚೂರು ಜಿಲ್ಲೆಯ ಮರ್ಚೆಡ್ ಗ್ರಾಮದಲ್ಲಿ ವಿನೂತನವಾಗಿ ನೆರವೇರಿದ 80ನೇ ಸ್ವಾತಂತ್ರ್ಯೋತ್ಸವ.

Share
Share

ಮರ್ಚಡ್ ಡೇಸ್ ಸುದ್ದಿ|ರಾಯಚೂರು.

ರಾಯಚೂರು: ವಿದ್ಯಾರ್ಥಿಗಳಿಗೆ ಪಾಠ ಹೇಳಿಕೊಡುವುದರ ಜೊತೆಗೆ ನಿರಂತರವಾಗಿ ದೇಶಪ್ರೇಮದ ಪಾಠವನ್ನು ಬಿತ್ತುತ್ತಾ ಬಂದಿರುವ ನಿವೃತ್ತ ಶಿಕ್ಷಕ ಎಚ್.ಎಂ. ಬಾಬಾ ಅವರು, ಈ ಬಾರಿ ತಮ್ಮ ನಿವೃತ್ತಿಯ ನಂತರವೂ ವಿಭಿನ್ನವಾಗಿ ಸ್ವಾತಂತ್ರ್ಯೋತ್ಸವವನ್ನು ಆಚರಿಸುವ ಮೂಲಕ ಮಾದರಿಯಾಗಿದ್ದಾರೆ. ರಾಯಚೂರು ಜಿಲ್ಲೆಯ ಮರ್ಚೆಡ್ ಗ್ರಾಮದ ನಿವಾಸಿ ಹಾಗೂ ಇತ್ತೀಚೆಷ್ಟೇ ಸೇವಾ ನಿವೃತ್ತಿ ಹೊಂದಿರುವ ಎಚ್.ಎಂ. ಬಾಬಾ ಅವರು, ತಮ್ಮ ತೋಟದ ಕೃಷಿ ಭೂಮಿಯ ಪ್ರಕೃತಿಯ ಮಡಿಲಲ್ಲಿ 80ನೇ ಸ್ವಾತಂತ್ರ್ಯೋತ್ಸವದ ಧ್ವಜಾರೋಹಣವನ್ನು ಅತ್ಯಂತ ಸಡಗರದಿಂದ ನೆರವೇರಿಸಿದರು.

ಸುಮಾರು ವರ್ಷಗಳ ಕಾಲ ವಿವಿಧ ಶಾಲೆಗಳಲ್ಲಿ ಪ್ರಾಮಾಣಿಕ ಶಿಕ್ಷಕರಾಗಿ ಸೇವೆ ಸಲ್ಲಿಸಿರುವ ಬಾಬಾ ಅವರು, ತಮ್ಮ ಸೇವಾ ಅವಧಿಯಲ್ಲಿ ತಪ್ಪದೆ ಶಾಲಾ ಮಟ್ಟದಲ್ಲಿ ಧ್ವಜಾರೋಹಣದಲ್ಲಿ ಪಾಲ್ಗೊಳ್ಳುತ್ತಿದ್ದರು. ಆದರೆ ಈ ಬಾರಿ ಆಗಸ್ಟ್ 15 ಕ್ಕಿಂತ ಮುಂಚಿತವಾಗಿ ಸೇವಾ ನಿವೃತ್ತಿಯನ್ನು ಹೊಂದಿದ್ದರೂ ಸಹ, ದೇಶಭಕ್ತಿಗೆ ನಿವೃತ್ತಿಯಿಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ. ತಾವು ಕೆಲಸದಿಂದ ನಿವೃತ್ತರಾದೆವು ಎಂಬ ಕಾರಣಕ್ಕೆ ರಾಷ್ಟ್ರಧ್ವಜ ವಂದನೆಯಿಂದ ದೂರ ಉಳಿಯದೆ, ಸ್ವಂತ ಖರ್ಚಿನಲ್ಲಿ ತಮ್ಮ ಹೊಲದಲ್ಲಿ ಸುಂದರವಾದ ಧ್ವಜಕಟ್ಟೆ ಹಾಗೂ ಧ್ವಜ ಕಂಬವನ್ನು ನಿರ್ಮಿಸಿಕೊಂಡು ಹೊಸ ಪರಂಪರೆಗೆ ನಾಂದಿ ಹಾಡಿದ್ದಾರೆ.

ಈ ವಿಶೇಷ ಕಾರ್ಯಕ್ರಮದಲ್ಲಿ ಸುತ್ತಮುತ್ತಲಿನ  ರೈತರ ಸ್ನೇಹಿತರು ಹಾಗೂ ಸ್ಥಳೀಯ ಗ್ರಾಮಸ್ಥರು ಭಾಗವಹಿಸಿದ್ದರು. ರೈತರನ್ನು ಒಂದೆಡೆ ಸೇರಿಸಿ ಅವರೊಂದಿಗೆ ರಾಷ್ಟ್ರಧ್ವಜವನ್ನು ಹಾರಿಸುವ ಮೂಲಕ ಬಾಬಾ ಅವರು ಅನ್ನದಾತರಿಗೆ ಸ್ವಾತಂತ್ರ್ಯದ ಮಹತ್ವವನ್ನು ಸಾರಿದರು. ತೋಟದ ತಂಪಾದ ವಾತಾವರಣದಲ್ಲಿ ನಡೆದ ಈ ರಾಷ್ಟ್ರೀಯ ಹಬ್ಬದ ಸಂಭ್ರಮವು ಅಲ್ಲಿ ಸೇರಿದ ಪ್ರತಿಯೊಬ್ಬರಲ್ಲೂ ರೋಮಾಂಚನ ಮೂಡಿಸಿತು.

ಈ ವೇಳೆ ಮಾತನಾಡಿದ ಸ್ಥಳೀಯ ರೈತರು, “ನಾವು ಎಂದಿಗೂ ಧ್ವಜಾರೋಹಣ ಮಾಡುವುದನ್ನು ದೂರದಿಂದ ನೋಡಿದ್ದೇವೆಯೇ ಹೊರತು, ನೇರವಾಗಿ ಇಷ್ಟು ಹತ್ತಿರದಿಂದ ಭಾಗವಹಿಸಿರಲಿಲ್ಲ. ಇಂದು ನಮ್ಮ ಹೊಲದ ಬಳಿಯೇ ನಾವೇ ಸ್ವತಃ ಧ್ವಜ ವಂದನೆ ಸಲ್ಲಿಸಿದ್ದು ನಮ್ಮ ಜೀವನದಲ್ಲಿ ಅತ್ಯಂತ ಸಂತೋಷದ ಕ್ಷಣ” ಎಂದು ಭಾವನಾತ್ಮಕವಾಗಿ ನುಡಿದರು. ಬಳಿಕ ರೈತರು ನಿವೃತ್ತ ಶಿಕ್ಷಕರಿಗೆ ವಿಶೇಷವಾಗಿ ಸ್ವಾತಂತ್ರ್ಯೋತ್ಸವದ ಶುಭಾಶಯಗಳನ್ನು ಕೋರಿದರು.

ಸಾಮಾನ್ಯವಾಗಿ ಉದ್ಯೋಗದಿಂದ ನಿವೃತ್ತಿಯಾದ ಬಳಿಕ ಇಂತಹ ರಾಷ್ಟ್ರೀಯ ಕಾರ್ಯಕ್ರಮಗಳಿಂದ ಹಲವರು ದೂರ ಉಳಿಯುತ್ತಾರೆ. ಆದರೆ, ಶಿಕ್ಷಕ ಎಚ್.ಎಂ. ಬಾಬಾ ಅವರು ತಮ್ಮ ಹೊಲದಲ್ಲಿಯೇ ಧ್ವಜಾರೋಹಣ ಮಾಡುವ ಮೂಲಕ ಇಳಿ ವಯಸ್ಸಿನಲ್ಲೂ ದೇಶದ ಗೌರವವನ್ನು ಹೆಚ್ಚಿಸುವುದರ ಜೊತೆಗೆ, ಸಮಾಜಕ್ಕೆ ಮತ್ತು ಯುವ ಜನತೆಗೆ ದೇಶಪ್ರೇಮದ  ಸಂದೇಶವನ್ನು ರವಾನಿಸಿದ್ದಾರೆ.

Share
Related Articles
ಸುದ್ದಿ

ಗಂಗಾವತಿಯ ಶ್ರೀ ಕೊಲ್ಲಿ ನಾಗೇಶ್ವರ ಗಂಗಯ್ಯ ಪ್ರ. ದರ್ಜೆ ಕಾಲೇಜು ತಂಡಕ್ಕೆ ಪ್ರಥಮ ಸ್ಥಾನದ ಗೆಲುವು.

ಮರ್ಚೆಡ್ ಡೇಸ್ ಸುದ್ದಿ|ಗಂಗಾವತಿ.  ಗವಿಸಿದ್ದೇಶ್ವರ ಕಾಲೇಜಿಗೆ ದ್ವಿತೀಯ ಸ್ಥಾನ.ಅಂತರಕಾಲೇಜು ವಾಲಿಬಾಲ್ ಪಂದ್ಯಾವಳಿಯ ಯಶಸ್ಸಿಗೆ ಶ್ರೀರಾಮನಗರದ ಜನತೆಯ...

ಸುದ್ದಿ

ಹಿಮಾಲಯದ ತಪ್ಪಲಿನಿಂದ ತುಂಗಭದ್ರಾ ತೀರಕ್ಕೆ ಮಾದಕ ನಶೆ! ಸಾಣಾಪುರದಲ್ಲಿ 16 ಲಕ್ಷದ ಚರಸ್ ವಶ, ಮೂವರು ಅಂದರ್.

        ಮರ್ಚೆಡ್ ಡೇಸ್ ಸುದ್ದಿ|ಕೊಪ್ಪಳ. ಕೊಪ್ಪಳ ಜಿಲ್ಲೆಯ ಪ್ರಮುಖ ಪ್ರವಾಸಿ ತಾಣವಾದ...

ಸಂಪಾದಕೀಯಸುದ್ದಿ

ಮಕ್ಕಳ ಹಿತದ ಜೊತೆಗೆ ಬಿಸಿಯೂಟ ನೌಕರರ ಬದುಕೂ ಉಳಿಯಲಿ: ಏಕಾಏಕಿ ಕ್ಲಸ್ಟರ್ ಕಿಚನ್ ಬೇಡ, ಮೊದಲು ಪರೀಕ್ಷೆಯಾಗಲಿ…

ಮರ್ಚೆಡ್ ಡೇಸ್ | ಸಂಪಾದಕೀಯ. ಮಕ್ಕಳಿಗೆ ಪೌಷ್ಟಿಕ ಆಹಾರ ಒದಗಿಸುವುದು ಸರ್ಕಾರದ ಸಾಮಾಜಿಕ ಹೊಣೆಗಾರಿಕೆ. ಸರ್ಕಾರಿ...

ಸುದ್ದಿ

ಸಾರಥಿಯ ಸಣ್ಣ ತಲೆಸುತ್ತು; ನೂರೆಂಟು ಜೀವಗಳ ಆತಂಕದ ಕ್ಷಣ – ವಾಣಿಜ್ಯ ಸಂಕೀರ್ಣಕ್ಕೆ ನುಗ್ಗಿದ ಬಸ್!

ಮರ್ಚೆಡ್ ಡೇಸ್ ಸುದ್ದಿ. ಬಳ್ಳಾರಿ ಸಿಟಿ ಬಸ್ ನಿಲ್ದಾಣದ ಬಳಿ ದಿಢೀರ್ ಅವಘಡ; ಕ್ಷಣಾರ್ಧದಲ್ಲಿ ಉಸಿರು...