Home ಸುದ್ದಿ ಖಾಕಿ ಕಾವಲಿಗೆ ದಶಕದ ಜಲದಾಸೋಹ: ಗಂಗಾವತಿಯ ಮೂರು ಪೊಲೀಸ್ ಠಾಣೆಗಳಿಗೆ ನಿತ್ಯ ಉಚಿತ ಶುದ್ಧ ಕುಡಿಯುವ ನೀರು.
ಸುದ್ದಿ

ಖಾಕಿ ಕಾವಲಿಗೆ ದಶಕದ ಜಲದಾಸೋಹ: ಗಂಗಾವತಿಯ ಮೂರು ಪೊಲೀಸ್ ಠಾಣೆಗಳಿಗೆ ನಿತ್ಯ ಉಚಿತ ಶುದ್ಧ ಕುಡಿಯುವ ನೀರು.

Share
Share

 

ಮರ್ಚೆಡ್ ಡೇಸ್ ಸುದ್ದಿ|ಗಂಗಾವತಿ.

ಗಂಗಾವತಿ: ರಕ್ಷಣೆ ನೀಡುವ ಖಾಕಿಯ ದಣಿವು ಆರಿಸಲು ಮತ್ತು ಠಾಣೆಯ ಮೆಟ್ಟಿಲೇರುವ ಜನಸಾಮಾನ್ಯರ ಬಾಯಾರಿಕೆ ತಣಿಸಲು ಗಂಗಾವತಿಯಲ್ಲಿ ಕಳೆದೊಂದು ದಶಕದಿಂದ ನಿರಂತರ ಜಲದಾಸೋಹ ನಡೆಯುತ್ತಿದೆ. ಯಾವುದೇ ಪ್ರಚಾರದ ಹಂಬಲವಿಲ್ಲದೆ, ನಗರದ ಸಮಾಜಸೇವಕ ವಿರೂಪಾಕ್ಷ ಪಾಟೀಲ್ ಅವರು ಗಂಗಾವತಿಯ ನಗರ ಠಾಣೆ, ಸಂಚಾರಿ ಪೊಲೀಸ್ ಠಾಣೆ ಹಾಗೂ ಗ್ರಾಮೀಣ ಪೊಲೀಸ್ ಠಾಣೆಗಳಿಗೆ ಕಳೆದ ಹತ್ತು ವರ್ಷಗಳಿಂದ ಪ್ರತಿದಿನ ಉಚಿತವಾಗಿ ಶುದ್ಧ ಕುಡಿಯುವ ನೀರು ಪೂರೈಸುವ ಮೂಲಕ ಅಪರೂಪದ ಕಾಯಕದಲ್ಲಿ ತೊಡಗಿಸಿಕೊಂಡಿದ್ದಾರೆ.

ನಾಡು-ಜನರ ರಕ್ಷಣೆಗಾಗಿ ಹಗಲಿರುಳು ನಿಸ್ವಾರ್ಥವಾಗಿ ಕರ್ತವ್ಯ ನಿರ್ವಹಿಸುವ ಪೊಲೀಸ್ ಸಿಬ್ಬಂದಿಗೆ ಮೂಲಭೂತ ಅಗತ್ಯವಾದ ಶುದ್ಧ ನೀರು ಸಿಗಬೇಕು ಎಂಬ ಸಂಕಲ್ಪ ಇವರದ್ದು. ಹೀಗಾಗಿ ಪ್ರತಿದಿನ ನಿಯಮಿತವಾಗಿ ತಲಾ 25 ಲೀಟರ್‌ನ ಶುದ್ಧ ಕುಡಿಯುವ ನೀರಿನ ಕ್ಯಾನ್‌ಗಳನ್ನು ಮೂರೂ ಠಾಣೆಗಳಿಗೂ ತಮ್ಮ ಸ್ವಂತ ಖರ್ಚಿನಲ್ಲಿ ತಲುಪಿಸುತ್ತಿದ್ದಾರೆ. ಬೇಸಿಗೆ ಇರಲಿ, ಮಳೆಗಾಲವಿರಲಿ, ಕಳೆದ ಹತ್ತು ವರ್ಷಗಳಿಂದ ಒಂದು ದಿನವೂ ತಪ್ಪದಂತೆ ಈ ಕಾಯಕ ಮುಂದುವರಿದುಕೊಂಡು ಬಂದಿದೆ.

ಕೇವಲ ಕರ್ತವ್ಯನಿರತ ಸಿಬ್ಬಂದಿ ಮಾತ್ರವಲ್ಲದೆ, ದಿನನಿತ್ಯ ವಿವಿಧ ದೂರು-ಸಮಸ್ಯೆಗಳನ್ನು ಹೊತ್ತು ಠಾಣೆಗೆ ಆಗಮಿಸುವ ನೂರಾರು ಸಾರ್ವಜನಿಕರಿಗೂ ಈ ಸೇವೆ ಆಸರೆಯಾಗಿದೆ. ಕಷ್ಟ ಎಂದು ಬರುವ ಜನರಿಗೆ ಬಾಯಾರಿಕೆಯಾದಾಗ ಶುದ್ಧ ನೀರು ಕುಡಿಯಲು ಸಿಗುವಂತೆ ಮಾಡಿರುವುದು ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಪೊಲೀಸ್ ಠಾಣೆಯ ವಾತಾವರಣದಲ್ಲಿ ಇಂತಹದೊಂದು ಮಾನವೀಯ ಕಾಳಜಿ ಇರುವುದು ನಿಜಕ್ಕೂ ಅನುಕರಣೀಯ ಎಂದು ಸ್ಥಳೀಯರು ಶ್ಲಾಘಿಸುತ್ತಾರೆ.

ಇಲಾಖೆಯ ಕಠಿಣ ಕರ್ತವ್ಯದ ನಡುವೆ ಸದಾ ಬೆಂಬಲವಾಗಿ ನಿಂತಿರುವ ವಿರೂಪಾಕ್ಷ ಪಾಟೀಲ್ ಅವರ ಈ ನಿಸ್ವಾರ್ಥ ಸೇವೆಗೆ ಗಂಗಾವತಿ ನಗರ, ಸಂಚಾರಿ ಹಾಗೂ ಗ್ರಾಮೀಣ ಪೊಲೀಸ್ ಠಾಣೆಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿ ಹೃತ್ಪೂರ್ವಕ ಕೃತಜ್ಞತೆ ಸಲ್ಲಿಸಿದ್ದಾರೆ.

ದಶಕದಿಂದ ನಿರಂತರವಾಗಿ ಜಲಸೇವೆ ಮಾಡುತ್ತಾ ಬಂದಿರುವ ಇವರ ಸೇವಾ ಮನೋಭಾವಕ್ಕೆ ಇಲಾಖೆಯ ವತಿಯಿಂದಲೂ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದೆ.

ಸಮಾಜದಲ್ಲಿ ಶಾಂತಿ, ಸುವ್ಯವಸ್ಥೆ ಕಾಪಾಡಲು ಹಗಲಿರುಳು ಶ್ರಮಿಸುವವರಿಗೆ ನಮ್ಮ ಕೈಲಾದ ಅಳಿಲು ಸೇವೆ ನೀಡುವುದು ಪ್ರತಿಯೊಬ್ಬ ನಾಗರಿಕನ ಆದ್ಯ ಕರ್ತವ್ಯ ಎಂಬುದು ವಿರೂಪಾಕ್ಷ ಪಾಟೀಲ್ ಅವರ ನಿಲುವು. ‘ಸಮಾಜ ನಮಗೇನು ನೀಡಿದೆ ಎನ್ನುವುದಕ್ಕಿಂತ, ಸಮಾಜಕ್ಕೆ ನಾವೇನು ನೀಡಿದ್ದೇವೆ ಎಂಬ ಸಾರ್ಥಕ ಭಾವನೆಯೇ ಮುಖ್ಯ’ ಎಂದು ಹೇಳುವ ಇವರು, ಮುಂದೆಯೂ ಇದೇ ರೀತಿಯಲ್ಲಿ ಸಮಾಜಮುಖಿ ಕಾರ್ಯಗಳನ್ನು ಮುಂದುವರಿಸಿಕೊಂಡು ಹೋಗುವ ಸಂಕಲ್ಪ ಹೊಂದಿದ್ದಾರೆ.

Share
Related Articles
ಸುದ್ದಿ

ಕವಿತೆ ವಾಚಕರೇ ಪ್ರೇಕ್ಷಕರು, ಪ್ರೇಕ್ಷಕರೇ ವಾಚಕರು: ಸಾಹಿತ್ಯ ಸಮ್ಮೇಳನಗಳಲ್ಲಿ ಕಳೆಗುಂದುತ್ತಿದೆಯೇ( ಸಾರ್ವಜನಿಕ) ಸಾಹಿತ್ಯದ ಆಸಕ್ತಿ?

  ಮರ್ಚೆಡ್ ಡೇಸ್ ಸುದ್ದಿ|ಕಾರಟಗಿ. ಕಾರಟಗಿ (ಕೊಪ್ಪಳ): ಕನ್ನಡ ನಾಡು-ನುಡಿ, ಸಾಹಿತ್ಯ ಮತ್ತು ಸಂಸ್ಕೃತಿಯ ಸಂಭ್ರಮವಾಗಬೇಕಿದ್ದ...

ಸುದ್ದಿ

ಗಂಗಾವತಿಯ ಹಿರಿಯ ಉದ್ಯಮಿ ಬಸವರಾಜ ಅಮರಪ್ಪ ಅರಳಿ ನಿಧನ; ನಾಳೆ ಅಂತ್ಯಕ್ರಿಯೆ.

  ಮರ್ಚೆಡ್ ಡೇಸ್ ಸುದ್ದಿ|ಗಂಗಾವತಿ. ಹೃದಯಾಘಾತದಿಂದ ಲಿಂಗೈಕ್ಯರಾದ ಸಾಹಿತಿ ನಾಗಭೂಷಣ ಅರಳಿ ಅವರ ಹಿರಿಯ ಸಹೋದರ;...

ಸುದ್ದಿ

ರಾಜ್ಯಮಟ್ಟದ ವ್ಯಂಗ್ಯಚಿತ್ರ ಪ್ರದರ್ಶನದಲ್ಲಿ ಕಿಷ್ಕಿಂಧವಾಣಿ ಕಿಬಾಣ ಕಾರ್ಟೂನ್‌ಗೆ ಮನ್ನಣೆ.

        ಮರ್ಚೆಡ್ ಡೇಸ್ ಸುದ್ದಿ|ಗಂಗಾವತಿ. *ನ.21ರಂದು ಬೆಂಗಳೂರಿನಲ್ಲಿ ಪ್ರದರ್ಶನ – ಕಾರ್ಟೂನಿಸ್ಟ್...

ಸುದ್ದಿ

ಜಿಟಿಎ 6′ ಕ್ರೇಜ್ ನಡುವೆ ಕನ್ನಡಿಗರದ್ದೇ ಹೊಸ ಹವಾ: ಈಗ ವೆಬ್‌ಸೈಟ್‌ನಲ್ಲೇ ಆಡಬಹುದು ನಮ್ಮ ‘ಜಿಟಿಎ ಬೆಂಗಳೂರು’ ಗೇಮ್.

    ಮರ್ಚೆಡ್ ಡೇಸ್|ವಿಶೇಷ ವರದಿ ಬೆಂಗಳೂರು. ಜಗತ್ತಿನ ಗೇಮಿಂಗ್ ಲೋಕಕ್ಕೆ ಇದೇ ತಿಂಗಳ ನವೆಂಬರ್...