Home ರಾಜಕೀಯ ರಾಜ್ಯ ರಾಜಕೀಯದಲ್ಲಿ ಸಂಚಲನ ಮುಖ್ಯಮಂತ್ರಿಗಳ ಬದಲಾವಣೆ ಕುರಿತು ಸ್ಪಷ್ಟನೆ ಇಲ್ಲ, ಕಾದು ನೋಡುತ್ತೇವೆ. ಬಿ.ವೈ. ವಿಜಯೇಂದ್ರ
ರಾಜಕೀಯಸಿನಿಮಾ

ರಾಜ್ಯ ರಾಜಕೀಯದಲ್ಲಿ ಸಂಚಲನ ಮುಖ್ಯಮಂತ್ರಿಗಳ ಬದಲಾವಣೆ ಕುರಿತು ಸ್ಪಷ್ಟನೆ ಇಲ್ಲ, ಕಾದು ನೋಡುತ್ತೇವೆ. ಬಿ.ವೈ. ವಿಜಯೇಂದ್ರ

Share
Share

 

 

ಮರ್ಚೆಡ್ ಡೇಸ್ ಸುದ್ದಿ.

ಕೊಪ್ಪಳ: ರಾಜ್ಯದಲ್ಲಿನ ರಾಜಕೀಯ ಬೆಳವಣಿಗೆಗಳು ತೀವ್ರ ಕುತೂಹಲ ಮೂಡಿಸಿರುವ ನಡುವೆಯೇ, ಮುಖ್ಯಮಂತ್ರಿಗಳ ಬದಲಾವಣೆ ಹಾಗೂ ರಾಜ್ಯಪಾಲರ ಭೇಟಿ ಕುರಿತಾದ ಚರ್ಚೆಗಳಿಗೆ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಪ್ರತಿಕ್ರಿಯಿಸಿದ್ದಾರೆ.

ಕೊಪ್ಪಳದ ನಾರಾಯಣಪೇಟೆ ಗ್ರಾಮದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜ್ಯ ರಾಜಕೀಯದಲ್ಲಿ ನಡೆಯುತ್ತಿರುವ ಇತ್ತೀಚಿನ ಬೆಳವಣಿಗೆಗಳ ಬಗ್ಗೆ ತಮ್ಮ ಅಭಿಪ್ರಾಯ ಹಚ್ಚಿಕೊಂಡರು.

ಮುಖ್ಯಮಂತ್ರಿಗಳ ಭೇಟಿ ಕುರಿತು ಗೊಂದಲ

ಮುಖ್ಯಮಂತ್ರಿಗಳು ಇಂದು ರಾಜ್ಯಪಾಲರನ್ನು ಭೇಟಿಯಾಗಲಿದ್ದಾರೆ ಎಂಬ ಚರ್ಚೆಗಳ ಕುರಿತು ಪ್ರತಿಕ್ರಿಯಿಸಿದ ವಿಜಯೇಂದ್ರ ಮುಖ್ಯಮಂತ್ರಿಗಳ ಇಂದಿನ ಪ್ರವಾಸ ಪಟ್ಟಿಯಲ್ಲಿ ರಾಜ್ಯಪಾಲರ ಭೇಟಿಯ ಯಾವುದೇ ಉಲ್ಲೇಖವಿಲ್ಲ. ಮಾಧ್ಯಮಗಳಲ್ಲಿ ಬರುತ್ತಿರುವ ಸುದ್ದಿಗಳ ಬಗ್ಗೆ ನನಗೆ ಅಧಿಕೃತ ಮಾಹಿತಿ ಇಲ್ಲ. ದೆಹಲಿಯಲ್ಲಿ ರಾಜೀನಾಮೆ ನೀಡುವುದಾಗಿ ಒಪ್ಪಿಕೊಂಡು ಬಂದಿದ್ದರೂ, ನಂತರ ಮನಸ್ಸು ಬದಲಾಗಿರಬಹುದು. ಈ ಗೊಂದಲದ ಬಗ್ಗೆ ಸದ್ಯಕ್ಕೆ ಏನನ್ನೂ ಹೇಳಲಾಗದು, ಕಾದು ನೋಡೋಣ” ಎಂದು ತಿಳಿಸಿದರು.

ರಾಜ್ಯ ಸರ್ಕಾರದ ಆಡಳಿತದ ಬಗ್ಗೆ ತೀವ್ರ ವಾಗ್ದಾಳಿ ನಡೆಸಿದ ವಿಜಯೇಂದ್ರ, “ಕಳೆದ ಒಂದು ವರ್ಷದಿಂದ ರಾಜ್ಯದಲ್ಲಿ ಆಡಳಿತ ಸಂಪೂರ್ಣ ಕುಸಿದಿದೆ. ಕಾಂಗ್ರೆಸ್ ಪಕ್ಷದ ಆಂತರಿಕ ಕಚ್ಚಾಟವೇ ಇದಕ್ಕೆ ಕಾರಣ. ಇಂತಹ ಸಂದರ್ಭದಲ್ಲಿ ಸರ್ಕಾರ ರೈತರ ಸಮಸ್ಯೆಗಳ ಕಡೆ ಗಮನ ಹರಿಸುತ್ತಿಲ್ಲ. ರಾಜ್ಯದಲ್ಲಿ ರಸಗೊಬ್ಬರದ ಕೃತಕ ಅಭಾವ ಸೃಷ್ಟಿಯಾಗಿದೆ. ದೆಹಲಿಯಲ್ಲಿ ಒಂದು ಮಾತು, ರಾಜ್ಯದಲ್ಲಿ ಮತ್ತೊಂದು ಮಾತು ಎಂಬಂತೆ ನಾಯಕರ ಹೇಳಿಕೆಗಳಿವೆ. ಈ ಸಮಸ್ಯೆಗಳು ಅಷ್ಟು ಬೇಗ ಬಗೆಹರಿಯುವ ಲಕ್ಷಣಗಳಿಲ್ಲ” ಎಂದು ಆರೋಪಿಸಿದರು.

ಮುಖ್ಯಮಂತ್ರಿ ಬದಲಾವಣೆಗಿಂತ ರಾಜ್ಯದ ಆರ್ಥಿಕ ಪರಿಸ್ಥಿತಿಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಅವರು, ಮುಖ್ಯಮಂತ್ರಿ ಯಾರೇ ಆದರೂ ಕರ್ನಾಟಕದ ಅಭಿವೃದ್ಧಿ ಸಾಧ್ಯವಿಲ್ಲ. ರಾಜ್ಯ ಈಗಾಗಲೇ ಸಾಲದ ಸುಳಿಯಲ್ಲಿ ಸಿಲುಕಿದೆ. ಯಾರೇ ಮುಖ್ಯಮಂತ್ರಿಯಾದರೂ ರಾಜ್ಯದ ಪರಿಸ್ಥಿತಿ ಸುಧಾರಿಸುವುದಿಲ್ಲ. ಬಿಜೆಪಿ ರಾಜ್ಯದ ಈ ದುಸ್ಥಿತಿಯ ಬಗ್ಗೆ ತೀವ್ರ ಆತಂಕ ಹೊಂದಿದೆ” ಎಂದು ಹೇಳಿದರು.

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಬೆಂಬಲಕ್ಕೆ ನಡೆಯುತ್ತಿರುವ ಪ್ರತಿಭಟನೆಗಳ ಕುರಿತು ಕೇಳಲಾದ ಪ್ರಶ್ನೆಗೆ, ಅದು ಕಾಂಗ್ರೆಸ್ ಪಕ್ಷದ ಆಂತರಿಕ ವಿಚಾರ. ಅವರು ಪ್ರತಿಭಟನೆ ಮಾಡುತ್ತಿದ್ದಾರೋ ಅಥವಾ ಮಾಡಿಸುತ್ತಿದ್ದಾರೋ ಎಂಬ ಬಗ್ಗೆ ನಾನು ಮಾತನಾಡುವುದಿಲ್ಲ. ಎಂದು ಪ್ರತಿಕ್ರಿಯಿಸಲು ನಿರಾಕರಿಸಿದರು.

Share
Related Articles
ಅಂಕಣರಾಜಕೀಯಸುದ್ದಿ

ಬಿಲಾಂಗಿಂಗ್ ಏ ಜರ್ನಿ ಆಫ್ ಲವ್ – ನೆಹರು-ಗಾಂಧಿ ಕುಟುಂಬದ ಸೊಸೆಯಾಗಿ, ದೇಶದ ನಾಯಕಿಯಾಗಿ: ಸೋನಿಯಾ ಜೀವನಾನ್ವೇಷಣೆ.

ಮರ್ಚೆಡ್ ಡೇಸ್|ವಿಶೇಷ ಲೇಖನಿ: ಭಾರತದ ರಾಜಕೀಯ ಇತಿಹಾಸದಲ್ಲಿ ನೆಹರು-ಗಾಂಧಿ ಕುಟುಂಬಕ್ಕೆ ವಿಶಿಷ್ಟವಾದ ಸ್ಥಾನವಿದೆ. ದೇಶದ ಪ್ರಜಾಪ್ರಭುತ್ವದ...

ಸಿನಿಮಾಸುದ್ದಿ

ಬೆಳ್ಳಿಪರದೆಯ ಏಕವ್ಯಕ್ತಿ ಸೈ-ಫೈ ಸಿನಿಮಾ: 6 ವರ್ಷ, 7 ದೇಶ, 5೦೦ ಪಾತ್ರಗಳ ಸೃಷ್ಟಿಕರ್ತ ತಮಿಳುನಾಡಿನ ಸಂಗಿರಿ ರಾಜ್‌ಕುಮಾರ್.

  ಮರ್ಚೆಡ್ ಡೇಸ್|ಸಿನಿಮಾ ಪರಿಚಯ. ಸಾಧನೆಯ ಹಾದಿಯಲ್ಲಿ ಸಾವಿರಾರು ಜನ ಸೋತು ಸುಣ್ಣವಾಗಿರಬಹುದು, ಆದರೆ ಸೋಲನ್ನು...

ಸಿನಿಮಾಸುದ್ದಿ

ಸಿಡಿಲ ಮಾತಿನ ‘ಕ್ರಾಂತಿವೀರ’ನ ಧ್ವನಿ ಶಾಶ್ವತ ಮೌನ: ನಾನಾ ಪಾಟೇಕರ್ ಇನ್ನಿಲ್ಲ.

ವಿಶೇಷ ವರದಿ | ಮರ್ಚೆಡ್ ಡೇಸ್ . ಗೋವಾ: ಬೆಳ್ಳಿತೆರೆಯ ಮೇಲೆ ಅನ್ಯಾಯ ಕಂಡರೆ ಸಿಡಿಯುತ್ತಿದ್ದ...

ಸಿನಿಮಾಸುದ್ದಿ

ಎದೆಯ ಗೂಡಲ್ಲಿ ಮಧುರ ಕಾವ್ಯ ಬರೆದ ಚಿತ್ರ: ಇಂದಿನಿಂದ ನಿಮ್ಮೂರಿನಲ್ಲೇ ‘ಪ್ರೇಮದ ಊರಲಿ’ ಸಂಭ್ರಮ.

ಮರ್ಚೆಡ್ ಡೇಸ್|ಸಿನಿಮಾ ಪರಿಚಯ. ಕೆಲವೊಂದು ಸಾರಿ ಸದ್ದಿಲ್ಲದೆ ಬರುವ ಸಣ್ಣ ಬಜೆಟ್‌ನ ಕನ್ನಡ ಚಿತ್ರಗಳು ಸೃಷ್ಟಿಸುವ...